د بلوچستان په بارکهان او خضدار ولسوالیو کې ناپېژاندو وسلهوالو پر یوه پولیس مرکز او ودانیز شرکت بریدونه کړي او شاوخوا ۱۰ کاریګر یې تښتولي دي.
پاکستانۍ رسنۍ خراسان ډایري راپور ورکړی، چې په بارکهان کې له برید وروسته څلور کاریګر او په بله جلا پېښه کې شپږ نور کسان له سیمې وړل شوي دي.
د راپور له مخې، تښتول شوي کسان د موسیخېل او سند اوسېدونکي دي.
تر اوسه کومې وسلهوالې ډلې د دغو پېښو مسوولیت نه دی منلی.
