په داسې حال کې چې د عمان په پلازمېنه مسقط کې د ایران او امریکا ترمنځ خبرې روانې دي، امریکا تازه په عرب سمندرګي کې پوځي تحرکات ترسره کړي دي.
د امریکا د سمندري ځواکونو د «ابراهام لینکن» الوتکو وړونکې بېړۍ په مشرۍ د کیریر سټرایک ګروپ، د دوو پوځي اکمالاتي بېړیو او د امریکا د ساحلي ساتنې د دوو کښتیو په ملتیا په عرب سمندرګي کې ګډ حرکت کړی دی.
د دې تحرک پر مهال د کیریر ایر وینګ ۹ جنګي الوتکو د بېړیو پر سر الوتنې کړې دي.
امریکایي سرچینو دغه اقدام د ځواک د ښودنې او پوځي چمتووالي برخه بللې ده.
