د فارس خبري اژانس راپور ورکړی چې ایران د متحده ایالات له لوري د ۴۸ ساعته اوربند وړاندیز رد کړی دی.
د راپور له مخې، دا وړاندیز د ایران د یوه دوست هېواد له لارې د تېرې چهارشنبې په ورځ وړاندې شوی و، خو تهران هغه د منلو وړ ونه باله.
بلخوا، وال سټریټ ژورنال هم راپور ورکړی چې ایران په اسلاماباد کې له امریکا سره د احتمالي مذاکراتو وړاندیز هم رد کړی او د خبرو لپاره وړاندې شوي شرایط یې د نه منلو بللي دي.
ایراني چارواکو تر اوسه د دې پرېکړې په اړه نور جزیات نه دي ورکړي، خو دا ګام د سیمې د روانو ترینګلتیاوو د دوام نښه بلل کېږي.
