د ایران د بهرنیو چارو وزارت ویاند اسماعیل بقایي ویلي، چې تهران به د طالبانو د حکومت په پېژندلو کې خپلواکه پریکړه کوي او دا به د هېواد د ملي ګټو پر اساس وي.
بقایي په دې اړه څرګنده کړې چې د ایران او پاکستان چارواکو ترمنځ د افغانستان پر وضعیت خبرې شوې دي او دواړه هېوادونه په افغانستان کې د ثبات په اړه ګډه اندېښنه لري.
د یادونې ده، چې پاکستان هم ویلي و، چې لاهم د طالبانو حکومت د رسمیت پېژندنې وخت نه دی را رسېدلی.
