ایران وایي، چې د روان لمریز کال تر پایه به ۲.۵ میلیونه غیرقانوني افغان کډوال له ایران وباسي.
د ایران په بهرنیو چارو وزارت کې د استازو ريیس احمد معصوميفر وایي، چې د غیر قانوني اتباعو شړلو لپاره له هېڅ هېواد سره د هوکړې اړتیا نشته.
نوموړي په کډوالو غږ کړی چې له ایران څخه په خپله خوښه ووځي او که ونه وځي؛ نو ایراني چارواکي به اقدام وکړي.
په ورته وخت کې د ایران دولتي خبري اژانس “ایرنا” ویلي، چې ایران ته د غیرقانوني افغان کډوالو ورتګ خورا کم شوی هم دی.
