د ايران د بهرنيو چارو وزارت مرستيال او د سياسي او نړيوالو مطالعاتو د مرکز مشر، سعيد خطيبزاده ويلي چې تهران د امريکا له لوري داسې پيغامونه تر لاسه کړي چې د واشنګټن د خبرو اترو د بيا پيل لېوالتيا ښيي.
هغه ټينګار کړی چې ايران د غيرمستقيمو يا هر ډول خبرو لپاره بېړه نه لري، تر څو چې ډاډ ترلاسه نه کړي چې خبرې به نتيجه ورکوي او امريکا به له خپل پخواني چلند تېره شوې وي.
خطيبزاده زياته کړې چې امريکا بايد د هېوادونو حاکميت ته درناوی وکړي او خپلسري بريدونه ودروي.
