ایران؛که امریکا پر مونږ برید وکړ؛ نو سیمه کې به یې اډې په نښه کړو

رویترز خبري اژانس د یو ایراني لوړ پوړي چارواکي له قوله ویلي، که امریکا پر دوی برید وکړي؛ نو دوی به یې د سیمې هېوادونو کې اډې په نښه کړي.

یاد چارواکي ویلي، چې ایران د ټرمپ د مستقیمو خبرو وړاندیز نه دی منلی؛ خو غیر مستقیمو خبرو ته لېواله دی.

سرچینه، چې نه غواړي نوم یې واخیستل شي، وایي، ایران کوېټ، قطر، ترکیې، عراق، امارات او بحرین ته خبرداری ورکړی، چې که د دوی له خاورې په ایران برید وشي؛ نو دا به یو دوښمنانه عمل وي.