د ایراني رسنیو د راپورونو له مخې، د عباس بندر په شهید رجايي بندر کې د زورورو چاودنو له کبله د ټپیانو شمېر ۴۰۶ تنو ته رسېدلی دی.
د هرمزگان والي ویلي، چې د چاودنې دقیق علت لا هم نه دی معلوم؛ خو مختلف سناریوګانې د اړوندو چارواکو له لوري څېړل کېږي او د دقیقو پایلو له لاسته راوړلو وروسته به رسمي اعلان وشي.
د والي په وینا، د وسلهوالو ځواکونو، هلال احمر او نورو ارګانونو هیليکوپټرونه چمتو دي څو ټپیان اړینو روغتونونو ته انتقال کړي.
د چارواکو په خبره، اوس د سیمې د وضعیت د عادي کېدو لپاره هڅې دوام لري.
