د طالبانو حکومت د بهرنیو چارو سرپرست وزیر، امیرخان متقي د خوړو نړیوال سازمان له مشر جان ایلیف سره د لیدنې پر مهال غوښتنه کړې چې افغانستان ته دې یوازې بېړنۍ مرستې نه، بلکې پرمختیایي برخو ته هم پاملرنه وشي.
د طالبانو حکومت د بهرنیو چارو وزارت په خبرپاڼه کې ویل شوي، چې دواړو لوریو د راستنو شویو کډوالو د مرستو، ستونزو د حل او مؤثرو همکاریو په اړه خبرې کړې دي.
په خبرپاڼه کې د جان ایلیف له قوله ویل شوي، چې دوی به له مرسته کوونکو سره د پرمختیایي پروژو په اړه بحثونه وکړي.
