د طالبانو حکومت د بهرنیو چارو وزارت سرپرست امیرخان متقي په کابل کې د پاکستان د سفارت له سرپرست عبیدالرحمن نظاماني سره لیدنه کې د افغان کډوالو د جبري ایستلو او له هغوی سره د ځینو پاکستاني ادارو د ناسم چلند په اړه اندېښنه څرګنده کړې ده.
د بهرنیو چارو وزارت د عامه اړیکو رئیس، ضیا احمد تکل وایي، چې امیرخان متقي په دې لیدنه کې دا ډول چلند پاروونکی بللی او ټینګار یې کړی چې دا عملونه د افغانستان او پاکستان تر منځ اړیکو ته زیان رسوي.
په ورته مهال، د پاکستان د سفارت سرپرست ژمنه کړې چې د طالبانو حکومت اندېښنې به له اړوندو ادارو سره شریکې کړي.
