د طالبانو حکومت د بهرنیو چارو سرپرست وزیر امیرخان متقي وایي، دوی د یو هېواد د خوښۍ لپاره له بل هېواد سره جګړه نه کوي.
هغه عمان کې له سوداګرو سره د خبرو پر مهال ویلي چې دوی یو متوازن سیاست غوره کړی، له نړیوالو سره غوره اړیکې غواړې او هڅه کوي افغانستان د منفي سیالیو پرځای د اقتصاد او ټرانزیټ په ډګر بدل کړي.
نوموړي ویلي، تېرو شلو کالونو کې افغانستان کې ۴سوه زره کسان پر نشهیي توکو روږدي وو.
