د طالبانو حکومت د بهرنیو چارو وزیر امیرخان متقي د افغانستان له دیپلوماتیکو استازولیو سره د کونړ او ننګرهار د وروستۍ زلزلې د زیانونو په تړاو خبرې کړې دي.
نوموړي استازولیو ته سپارښتنه کړې چې په خپلو مېزبان هېوادونو کې له حکومتي چارواکو، خیریه بنسټونو او مرستندوو شخصیتونو سره د زلزلې د اغېزمنو کورنیو وضعیت شریک کړي او د مرستو د راجلب، اسانتیاوو برابرولو او د اغېزمن مدیریت لپاره هڅې وکړي.
