امریکا ته د اسرائیل د لومړي وزیر د سفر له پیل سره سم، ریانووستي خبري اژانس راپور ورکړی، چې د حماس د سیاسي دفتر مرستیال موسی ابومرزوق هم روسیې ته تللی.
تر اوسه د دغه سفر په اړه جزیات نه دي ورکړل شوي.
ویل کېږي، چې نوموړی د یو پلاوي په مشرۍ مسکو ته رسېدلی او هلته به د دغه هېواد د بهرنیو چارو له وزیر سره وګوري.
بل لورته بیا نتنیاهو وړمه ورځ امریکا ته لاړ او په پام کې ده چې له ډونالډ ټرمپ سره پر یو شمېر مهمو موضوعاتو بحث ولري.
