امریکایي سناتورې، کیتي بریت د ایران پر ضد د «اعظمي فشار» د سیاست د دوام هرکلی کړی او د امریکا له ولسمشر ډونالد ټرمپ څخه یې مننه کړې ده.
هغې په اېکس کې د هغه خبر له بیا خپرولو سره، چې د ایران د سوداګریزو شریکانو پر ضد د اضافي تعرفو د لګولو حکم پکې شوی، لیکلي چې د «آیتالله» رژیم لاسونه د ګڼو امریکایانو په وینو ککړ دي.
بریت ټینګار کړی، هر هېواد یا فرد چې له دې حکومت سره سوداګریزې اړیکې لري، باید په خپلو پرېکړو کې له سره غور وکړي.
د نوموړې په وینا، د امریکا د حکومت نوې اقدامات به د ایران سوداګریز شریکان دې ته اړ کړي چې خپلې اقتصادي اړیکې بیا وارزوي.
