د امریکا دفاع وزارت د اوریګن په ایالت کې د ملي ګارډ ۲۰۰ سرتېري ګومارلي دي.
دا اقدام وروسته له هغې وشو چې د امریکا ولسمشر ډونالډ ټرمپ د دغو ځواکونو د لېږلو اعلان وکړ.
ټرمپ ویلي، دغه ځواکونه به د کډوالو د فدرالي ادارې د تاسیساتو د امنیت د ټینګښت لپاره کار کوي او په اړتیا کې یې د لا ډېرو سرتېرو د کارولو امکان هم شته.
د راپورونو له مخې، ولسمشر ټرمپ دا پرېکړه د پورټلنډ ښار د تاوتریخوالي د زیاتېدو په غبرګون کې کړې ده، خو د اوریګن ځايي چارواکو د ده اقدام کلکه نیوکه کړې او هغه یې د فدرالي مداخلې ناسم مثال بللی دی.
