د پخواني حکومت لومړي مرستیال امرالله صالح وایي، ملي بیرغ وکولای شول ملت یو موټی کړي.
هغه د بیرغ د ملي ورځې په مناسبت لیکلي، چې خلک د همدې بیرغ تر سیوري لاندې واک کې شریک شول، د خپل برخلیک په اړه یې ژور بحثونه وکړل او له کلي نه تر پلازمینې یې خپل رول پیدا کړ.
د هغه په خبره، د دې بیرغ لپاره سرونه قرباني شول او مزارونه یې پرې وپوښل شول.
نوموړي دغه راز زیاته کړې، چې دا بیرغ د افغانستان ویاړ او ملي هویت دی.
د یادونې ده چې جمهوري حکومت کې د زمري اوومه د بیرغ د ملي ورځ په نوم لمانځل کېده.
