افغان الاصله آلمانۍ سیاستواله، مهریه آشفته د هامبورګ ایالتي پارلمان غړې شوه.
نوموړې د سوسیال دموکرات ګوند کاندیده وه او له ۹۰۰۰ څخه زیاتې رایې یې خپلې کړې دي.
د هامبورګ ایالتي انتخابات د حوت ۱۲مه ترسره شول، چې آشفته پکې بریالۍ شوه.
هغې په خپل انسټاګرام پیغام کې ویلي، چې د بریا وړاندوینه یې نږدې ملګرو کړې وه؛ خو دې د ټاکنو په ورځ هېڅ داسې اټکل نه و کړی.
مهریه آشفته مدافع وکیله او د هامبورګ پوهنتون د حقوقو استاده ده.
نوموړې په کابل کې زېږېدلې او یوه کلنه وه، چې کورنۍ یې آلمان ته کډه شوې.
