د طالبانو حکومت د کار او ټولنیزو چارو وزارت وايي د بې کارۍ د زیاتوالي او په هیواد کې د کاري فرصتونو نشتوالي له امله ۱۵۰۰۰ څخه زیاتو کسانو قطر ته د کارګرانو د لیږلو پروسې لپاره نوم لیکنه کړې ده.
د کار او ټولنیزو چارو وزارت ویاند وایې دا نوم لیکنه یوازې په تیرو درېو ورځو کې ترسره شوې.
د کار او ټولنیزو چارو وزارت ویاند سمیع الله ابراهیمي وایي، یوازې ۳۱۰۰ کسان به د شفافې پروسې له لارې قطر ته ولیږل شي.
اقتصادي شننونکي که څه هم دا چاره بې ګټې نه بولي خو په هیواد کې د کاري فرصتونو په ایجاد ټینګار کوي.
