د قطر پلازمېنه دوحه کې د څو چاودنو وروسته د اسراییلو پوځ اعلان کړی چې د شاباک د استخباراتي ادارې په همکارۍ یې د هوايي ځواک له لارې د حماس لوړپوړي مشران په یوه «دقیق برید» کې په نښه کړي دي.
د پوځ په وینا، یاد کسان د کلونو راهیسې د حماس فعالیتونه رهبري کول او د اکتوبر د اوومې برید او د اسراییلو پر ضد د جګړې د مدیریت مستقیم مسوولین وو.
د «اکسیوس» خبري وېبپاڼې خبریال باراک راوید د اسراییلي چارواکو له قوله لیکلي چې په دوحه کې چاودنې د حماس پر مشرانو قصدي هڅه وه.
