ازبکستان هغه راپورونه رد کړل چې ګوندې د پخواني پوځ چورلکې طالبانو ته ورکوي.
د دې هیواد د بهرنیو چارو وزارت ویاند احراز برخانوف هغه راپورونه رد کړل چې ګواکې د افغان پوځ پخوانۍ چورلکې طالبانو ته سپاري.
برخانوف وویل: “دا راپورونه سم نه دي او ازبکستان به یادې چورلکې طالبانو ته ورنه کړي.”
په دې وروستیو کې داسې راپورونه خپاره شول چې ازبکستان د افغان پوځ پخوانۍ چورلکې کابل ته سپاري.
ځینو رسنیو د طالبانو د ویاند ذبیح الله مجاهد له قوله ویلي چې ازبکستان موافقه کړې چې چورلکې بیرته ورکړي.
