د ازادۍ جبهې د طالبانو حکومت د واکمنۍ د څلورم کال په مناسبت ادعا کړې، چې په تېر یو کال کې یې ۲۲۵ طالب سرتېري وژلي او ۱۷۴ نور یې ټپیان کړي دي.
یادې جبهې ویلي، چې په دغه موده کې یې په ۱۳ ولایتونو کې ۸۸ بریدونه ترسره کړي، چې کابل، کندز، تخار، بغلان، بلخ، کاپیسا، هرات، فاریاب، پروان، پنجشیر، سرپل، لغمان او بادغیس پکې شامل دي.
د راپور له مخې، د طالبانو د امربالمعروف کارکوونکي هم په درې ولایتونو کې تر بریدونو لاندې راغلي، چې ۱۴ تنه یې وژل او ټپیان شوي دي.
