د ترکیې ولسمشر رجب طیب اردوغان د امریکا او ایران ترمنځ اعلان شوي اوربند هرکلی کړی او ټینګار یې کړی چې دا موافقه باید په بشپړ ډول عملي شي.
هغه ویلي، اوربند باید داسې پلي شي چې هېڅ لوري ته د پارونې، ګډوډۍ او یا د تخریب فرصت ورنه کړل شي.
اردوغان همدارنګه د هغو هېوادونو مننه کړې چې د خبرو اترو په بهیر کې یې ونډه لرلې، او په ځانګړي ډول یې د پاکستان رول ستایلی دی.
د ترکیې ولسمشر زیاته کړې چې د انقرې اساسي موخه په سیمه کې د سولې، ارامۍ او ثبات ټینګښت دی، او هېواد به یې د سولې غږ هم په سیمه او هم په نړیواله کچه ژوندی وساتي.
