د هند د ملي امنیت سلاکار اجیت دووال وايي، له خپل ایراني سیال علي لاریجاني سره یې د چابهار بندر، امنیت، دفاع او سوداګرۍ په برخو کې د همکارۍ پر پراخولو خبرې کړې دي.
نوموړی وايي، چابهار بندر هند ته له افغانستانه د ټرانزیټ لپاره یوه باوري او بدیله لاره برابروي، په ځانګړي ډول له دې امله چې د افغانستان او هند ترمنځ مستقیمه ځمکنۍ لاره نشته.
دووال زیاته کړې، دا یوه بله باوري او مستقیمه د سمندر له لارې لاره ده چې د مرکزي اسیا سیمې ته د تګ راتګ اسانتیا برابروي.
