د افغانستان مشهورې هنرمندې اریانا سعید اعلان کړی چې د لیندۍ په ۲۰مه یې د خپل مدني بنسټ «دفاع» له لارې یو نوی تعلیمي پروګرام پیل کړی چې موخه یې پنځه زره افغان نجونو ته د زدهکړو د دوام زمینه برابرول دي.
هغې ویلي، چې دا پروګرام د امریکا له یوه ښوونځي سره په همکارۍ عملي کېږي.
نوموړې زیاته کړې، چې د ګډونوالو نجونو باید انګلیسي ژبه زده وي او کولای شي د اووم څخه تر دولسم ټولګي پورې زدهکړې وکړي او رسمي سند تر لاسه کړي.
هغې دغه راز ویلي چې هره ورځ د زدهکړو د دوام په اړه د افغان نجونو سلګونه غوښتنلیکونه ترلاسه کوي.
دا پروګرام په داسې حال کې پيلېږي چې د طالبانو حکومت تر واکمنۍ لاندې نجونې یوازې تر شپږم ټولګي پورې ښوونځي ته پرېښودل کېږي او ښځې له لوړو زدهکړو او ډېرو کارونو منع دي.
