د حزب الله ډلې نوي مشر نعیم قاسم ویلي، چې زما کاري پلان په ټولو برخو کې د خپل مشر سید حسن نصرالله کاري پلان ته دوام ورکول دي.
نعیم قاسم چې تازه د حزب الله ډلې مشر ټاکل شوی، په خپله تازه وینا کې ویلي، چې دا زموږ دنده ده چې له غزې سره مرسته وکړو او ټولې سیمې ته د اسرائیلو د ګواښونو د مخنیوي لپاره د غزې ملاتړ وکړو.
نوموړي ویلي چې دا د لبنان او غزې جګړه نه ده، دا د امریکا او اسرائیلو د مقاومت جګړه ده.
هغه وایي:«موږ ته مه وایئ چې تا ولې د غزې له خلکو سره مرسته وکړه؟ له نورو وپوښتئ چې ولې د غزې له خلکو سره مرسته نه ده شوې.»
