د طالبانو حکومت مشر شیخ هبت الله اخوندزاده په یو تازه فرمان کې ویلي چې له مدرسې څخه د فارغو طالبانو مراسم باید په ساده ډول ترسره او له ډېرو مصارفو باید پکې ډډه وشي.
نوموړي ویلي، چې دغه جلسې اوږدې وي، مصرف یې زیات وي او ډېر وخت پکې لمونځونه د وخت له کبله ځنډیږي چې مکروه حالت ته رسېږي.
هبت الله اخوندزاده زیاتوي، چې تر دې وروسته دې په دغو مراسمو کې عامو خلکو ته ډوډۍ نه ورکول کېږي، ترڅو د لوړ لګښت مخه ونیول شي.
