د پاکستان فدرالي حکومت د پښتون ژغورنې په غورځنګ بندیز ولګاوه.
دوی ویلي، چې د پښتون ژغورنې غورځنګ یې د منع شويو سازمانونو په لست کې شامل کړی او په هېواد کې یې پر فعالیتونو بندیز لګولی.
یاد حکومت په یوه خبرپاڼه کې ویلي، چې د پښتون ژغورنې غورځنګ فعالیتونه د سولې او امنیت پر ضد وه.
دوی دغه راز زیاته کړې، چې دغه غورځنګ په یو شمېر کړنو کې ښکېل دی چې د سولې او امنیت پر ضد دی او دوی د ترهګرۍ ضد قانون د ۱۱مې مادې پر بنسټ، د دغه غورځنګ د ممنوعه سازمانونو په لېست کې شامل کړی او پر فعالیتونو یې بندیز ولګوه.
دا په داسې حال کې ده چې یوولسم د اکتوبر په خیبر کې د پښتون ژغورنې غورځنګ د منظور پښتین په مشرۍ قامي لویه جرګه جوړوي.
