د پښتون ژغورنې غورځنګ قامي لویه جرګه چې ټاکل شوې وه، نن تر ماسپښین وروسته پیل شي، ځنډېدلې ده.
د دغې ناستې د ځنډ په اړه د پښتون ژغورنې غورځنګ مشر منظور پښتین ویلي، چې دوه سکرینونه یې په لاره کې ځنډېدلي وو او اوس هڅه کوي چې په جرګه کې د سکرینونونو انتظام وکړي، ترڅو پښتنو ته پرې د پنجاب ظلمونه وښيي.
پښتین ویلي، لاهم ځینې لارې بندې دي او خلک په راتګ کې له ستونزو سره مخ دي.
نوموړي له خلکو غوښتي چې بیرته ستانه نشي او جرګه به ژر تر ژره شروع کېږي.
