د طالبانو حکومت د بهرنیو چارو وزیر مولوي امیر خان متقي د چین په سیچوان اقتصادي او سودا ګریز فورم کې په خپله وینا کې ویلي چې افغانستان د تیرو ۴۵کلونو جګړو او ناامنیو له امله په سیمه کې خپل رول له لاسه ورکړی و.
ښاغلي متقي ویلي:«افغانستان نن یو نوی فصل پیل کړی. دا د ثبات، امنیت او خپلواکۍ فصل دی.»
مولوي امیرخان متقي ویلي افغان ملت اوس نورو هېوادونو سره د اقتصادي همکاریو لپاره هڅې پیل کړې دي او غواړي له دې لارې د خپل وطن سوله، سوکالي او پرمختګ متداوم وساتي.
